الثلاثاء، 19 فبراير، 2013

جلبانة في الكوشة بلمسات الشيف ناصر تونسي

جلبانة في الكوشة من وصفات الشاف ناصر.
مباشرة الطريقة.

نقي الزرودية و نقطعها الى قطع مكعبات صغير بحجم حبة الجلبانة.و نحطها مع الجلبانة في الكسكاس تفور.بشوي ملح. و عندما تهز اول فورة خليها في الكسكاس. على النار طبعا. و نزيدلها مغرفين اكل من الزبدة. و نخلط جيدا حت تذوب الزبدة و تدخل فيها. و نخليها تكمل الطياب تاعها حت توجد. كذالك نقي القرنون و نقطعو الى قطع صغيرة و نفورو بنفس طريقة الجلبانة و الزرودية. و الدجاج نقليه في شوي زيت
مع شوي زبدة المدينة. مع شوي كركم المعروف باسم زعفران مرحي ارطب. و ملح. فلفل اسود. حت يتحمر. نزيدلو البصل و الثوم و الطماطم مرحيين. شوي كمون اخضر شوي فلفل بارد. شوي فلفل حار ارطب راس الحنوة و شوي طماطم علب. خليهم يتقلاو شوي و نزيد شوي ماء. و نخليه حت ينشف شوي الصوص تاعو. ثم ندهن البلاط بالزبدة و فرغ فيه الجلبانة لي هي مخلطة مع الزرودية. كذالك القرنون. و كذالك نفرغ عليها الصوص تع الدجاج الثقيلة. و نحط قطع الدجاج فوق الجلبانة. و ندخل للكوشة على 350 درجة. الدجاج يحمار
بدون وضعه في الاعل او دون اشعاله من فوق. بالصحة و الهناء .
مع تحيات الشاف ناصر

الاثنين، 18 فبراير، 2013

روز بالخضر و الببشمال بلمسات الشيف ناصر تونسي

المقادير :
3 كسان روز. سدردجاج مرحي ني و مداوي. كاس جلبانة. حبات زرودية مكعبات صغار. حميس مشوي. حبة بصل يابسة و 2 خضر. جبن مبشور. ملح. فلفل اسود. شوي راس الحنوة. شوي زيت. مع شوي زبدة المدينة. ثوم. و صلصة البشمال .
طريقة التحضير:
نطيب 3كسان تع الروز في 8 كسان ماء. و نطيب الخضر في الماء او
نفورها. و نوجد الحم تع السدر الدجاج المرحي ندويه بالبصل رقيق ثوم
و معدنوس و و ملح و فلفل اسود وشوي من الكركم و المعروف باسم عرق الاصفر مرحي. و شوي راس الحنوة. و حبة بيض. و نخليه على جها. ثم نوجد لحميس المشوي. فلفل حلو. و فلفل حار. حبات طماطم. ثوم. و الكل مشوي و منقي و مقصوص رقيق. و بعدما توجد
الخضر سواء كانت مفورة او طايبة في الماء. نصفيها و نخلطها مع الخليط تع الدجاج و نديرلها شوي زيت. و زبدة المدينة شوي بصل و ثوم ملح فلفل اسود و هذا حت يتقلو شوي ثم. نخلط الكل مع بعض و كذالك الروز و ندهن البلاطو بالزبدة و نفرغ كل الخليط فيه ثم نغطيها كامل بصلصة البشمال و ندخل للكوشة لمدة 30 دقيقة حت تحمار من فوق على نار متوسطة 180 درجة . بصحتكم .
مع تحيات الشاف ناصر

الأحد، 17 فبراير، 2013

شيكولة النوتيلة بلمسات الشيف ناصر تونسي


المقادير.
كاس حليب سائل و ثقيل شوي.كاس زيت. كاس بدرة شكولة كاكاو من النوع الجيد. و السكر قلاصيحسب ذوق كل عائلة طبعا اقصد الكمية تع السكر قلاصي.
طريقة التحضير.
ساهلة كثير. نحط كل المقادير في الخلاط الكهربائي تتخلط جيدا و تثقال. ثم توضع في الثلاجة. طبعا للاستهلاك. هذه طرقة النوتيلة اسهل طريقة. بالتوفيق للجميع.
مع تحيات الشاف ناصر تونسي

السبت، 16 فبراير، 2013

طريقة للتخليل الفلفل الحار (( بومنقوع)) بلمسات الشيف ناصر تونسي

الــــــــسلام عليكم جمـعا و رحمة الله و بركاته. اليوم و بعد التاكد من النتيجة الحسـنة و الر ائــــعة و التي طــــــــال انــــتـــظارها حــوالى 28 يوما هاء انا اقدم لكم الجديد و هو اخر طريقة للتخليل الفلفل الحار (( بومنقوع)) كما يسمى في مدينة السكرة بوابة الصحراء عاصمة الزبان (( ولاية بسكرة )) الجزائرية. ولكم المقادير
الـــــمقادي
_________
500غ فلفل حار. 2كسان ماء. كاس و نصف خل ابيض نوع قارص. 2 مغارف اكل ملح. 2 مغارف قهوة سكر عادي. 4 حبات زروديـــة مقشرين و مقطعين الى قطع متوسطة بالطول. 2 حبات قارص معصورة مع الاحتفاض بالقشور.
طـــــــريقة التحضير
______________
اولا نخلط الـــــماء و الـــملح و الـــــسكر. و نحطو على نـــــــــار قاوية حــتى يغلي ثم نـــــزيد الــــــخل الابيض لهو نوع قارص. و نخليه حتى يغلي مرة اخـــــرة. و نـــــطفي الــــــــــنار. طـــبعا الفلفل راهو مغسول بالماء البارد مضيف و مشقوق من الامام شقة صغيرة. نحط اولا الفلفل في بدون مثلا و ايكون الفلفل منضم الوحدة احذا لوخرة و بينهم قطع الزروديـــة. ثم نفرغ عليهم الخليط لي كان على النار و هو سخون. ثم نفرغ عصير القارص عادي و هو بارد. و اخر شيء قشور القارص المعصورة. و نغلق جيدا و باحكام حتى نتفادى دخول الهواء و هذا لمدة حوالى 28 يوما لكن بعد هذا الوقت عندما يصبح جاهز للاكل و في حالت استهلكنا منه قليلا يدخل الى الثلاجة لابد. نتمنالكم التوفيق مع تحيات..
الــــــــــــــشاف نــــــــاصر تـــــــونسي.

خـــوخ بالعسل و اللوز في الكـوشة..بلمسات الشيف ناصر تونسي


بسبوســـــــة نــــــــــــــواد كوكو بلمسات الشيف ناصر تونسي

بسبوســـــــة نــــــــــــــواد كوكو. .المقـادير .ربع كــــــاس زيت. كـــــاس حليب. كـــــــــــــاس فرينة.كاس نواد كوكو. كاس سكر. 3 بيـــــــــــــض. 1خميرة القاطــــــــــــو. شوي .فـــــانيلة. والعــــــــــــــسل للسقي. .طريقة التحضير. .نخلط الزيت و الحليب و السكر والبيض.و الفانيلة. يتخلطـو مليح .ثم نفرغ الفرينة و النوادكوكو.مع خميرة القاطو . نزيد نخلط مليح. .ونفرغ في بلاطو مدهون بالزيت . ندخل للكــــوشة و كي اطيب .نسقيها بالعسل وكل ما تشرب انزيدها العسل حت تروا ونزينها .بحبات من ايي نوع من المكسرات. وبالتوفيق للجميع. مع تحيات الشاف ناصر

طــــريقة لزكلار في المقلة بلمسات الشيف ناصر تونسي


طــــريقة لزكلار في المقلة  .المـــــــــــــقادير.. .2كسان ماء.نصف كاس زيت. شوي ملح. 2 كسان فرينة. 5 حبات بيض. 5 صفار بيض. زيت للقلي. شوي فنيلة. شاربات باردة. .طريقة التحـــــــــــــضير.. .نخلط الماء و الزيت في مرميطة و نحطهم على النار حت الغلايان ثم نزيدالفرينة و الملح دفعة واحدة الى الى المرميطة لي فيها الماء و الزيت. ونخلط ونحرك ونقلب حت تعود العجينة طرية و متلصقش طبعا بالمغرف تع العود . نحي من النار . وانت عندك 5 حبات بيض. كسري وحدة في العجينة وخلطيها مليح وحركيها مليح حت تعود البيضة ليس لها اثر. وهاكذا الى ان تنتهي من الخمس بيضات. و مولاحضتي. منزيدش البيض الا اذا اختفت ماقبلها من الخمس بيضات . وعندك ثاني في المقادير 5 صفار بيض. اذا بعدما تنتهي من الخمس بيضات. نزيد صفار البيض وحدة بعد وحدة مع الخلط الجيد لنتحصل على خليط متجانس. نفرغ العجينة في الكيس الحلاواني او يسمى le poche patisie وتكون لـــــــــــــــدووي مشرشفة. اذا نعبز على الكيس قرب المقلة فيها الزيت ونقص العجينة الخارجة حسب طول الاولة .ومنكثرش في المقلة ندير شوي كي يحمارو انحيهم انزيد شوي احسن من انعمر المقلة .كي يحمارو. صفيهم من الزيت ثم مباشراتا الى الشربات.ثم صفيهم من اشربات وزينيهم بالشكولة الذائبة ومن فمق شوي مكسرات مثلا انا درت حوالي فنجال بسطاش فوسدق. وهذه لـــــــــــــزكلار في المقلةتحــــــــــــــــــــــــــــيات الـــــــــــــــــــــشاف.... نــــــــــاصر تــــــــــــــــــــــونسي

حبات القصطل المحشية بالــــــــــــــــــــوز بلمسات الشيف ناصر تونسي



حبات القصطل المحشية بالــــــــــــــــــــوز
.اولا اعذرونــــــــــــــي يا سيـــــــــــــــدات و يا ســــــــــادة عن عدم .عــــــــــــــــدم الوضوح الجيد للصورة وهذا راجع للكميرة تاعي.
.اشهد ان لا اله الا الله وان محمد رسول الله. السلام على الجميع .حبات القصطل المحشية بالوز. .المقادير .2 كسان دقيق. 2 مغارف اكل فرينة. شوي فانيلة .مغرف قهوة خميرة الخبز. مغرف قهوة خيرة القاطو. 4 مغارف قهوة سكر. اكثر من نصف فجال زيت. و حليب سائل فيه الماء الزهر للعجن. وقليل جيدا من الملح.
.طريــــــــــفة التحضير
.نعجن الكل مع بعض بالحليب لي فيه الماء الزهر للحصول على عجينة رطبة. وباش تعرفيها راهي اخلاصت. عند العجن و الدلك تكون تتطرشق . و متلصقش في اليد ولا في القصعة. وتكون رطبة. العائلات لي حبت اتزيد للعجينة شوي شكولة سواء ذايبة او بودرة مقبول. اذا نحي شوي من العجينة و كوريها على سكل كورة صغيرة ثم احشي في كل حبة بي حبات لوز او كوكاو. وادهني البلاطو بشوي زيت وحطي الحبات فيه و دخلي للكوشة على درجة 180. لمدة 6 دقائق ثم نحيهم و اقليهم في الزيت في المقلة . ثم مباشرة للعسل. ورشيهم بالمكسرات لي عندك. بالتوفيق للجميع. انا جربتها اليوم قيل الفطور من اختارعي انا شخصيا وكانت في القمة الا ان كميرة المبايل خانتني. جربوها ومتندمـــــــــــــوش و رجعولي الخبر . مــــــــــــع تحـــــــــــــــــــــيات الـــــــــــــشاف نــــــــــــــاصــــــر


صابلي عباد الشمس بلمسات الشيف ناصر تونسي

صابلي عباد الشمس


المقادير

2 صفار بيض 4 فناجل سكر قلاصي 250غ زبدة طرية كاس زيت 2 مغارف اكل انشاء شوي فانيلة و الفرينة حسب ما نلم العجينة والمول موجود في كل مكان
مقادير الحشو
فنجال ونصف سكر قلاصي فنجال ونصف كلوكوز فنجال ونصف زبدة طرية 100غ لوز مرحي احرش مغرف اكل عسل عادي
طريقة تحضير العجينو
نخلط صفار البيض والسكر والزبدة والزيت والنــــــــشاء والفانلية ونجمل بالفرينة ولا تكون قاسية ولا مرخوفة نخليها ترتاح لمدة ساعة في الثلاجة
طريقة تحظير الحشو
نذوب الكلوكوزعلى نار هادية مع الزبدة والسكر والزبدة و العسل ثم نحيها من النار تبرد شوي ونزيدها اللوز ونحرك شوي طبعا نتحصل على خليط حاكم روحو وندهن البلاطو بالزيت ونفرغ الحشو فيه باش ينشف شوي
ونخرج العجينة من الثلاجة ونحلها على ميدة مرشوشة بالنشاء ونخرج منها بالطابع شكل عباد الشمس وتكون
بحبتيت واحدة مثقوبة والاخرة كماهية وبعدما ايطيبو نحط شوي مرباء بيناتهم و نملي الثقب او الفراغ بالحشو


بالتوفيق مع تحيات

الــــــــشاف نــاصر تونسي

طــــــــــــرقة قاطو الدودة بلمسات الشيف ناصر تونسي

طــــــــــــرقة قاطو الدودة



مــــــــــقادير العجينة

250غ زبدة علبة يايــــــــــــــورةبذوق البانان و الفرينة حسب العجينة تكون طرية نغطيها بالبالستيك و نتركها..
مــــــــــــقادير الحشو..
500غ كوكاو مرحي ارطب 3 فناجل جلجلانية مرحية كاس صغير شوي عسل نجمل بيه الخليط و نشكل
بيه اصابع كما موضح في الصورة..
طـــــــريقة تحضير العجينة..
اولا نفتح العجينة بالحلال ونقصها بالجرار ثم نخرج منها مستاطيلات بالجلرار طبعا كما موضح في الصورة
ثم نفتح بالجرار في وسط المستطيل خمس (5) فتحات مثل المقرقشات المضفورة..ونضع فيها احد اصابع الحشو في الوسط لكـــــــــــــــــــــــــــــــــــــــن وضع اصبع الحشو يكون عكس الفتحات كما موضح في الصورة.
وانلفها بالستطيل العجينة ثم نقوصها مثل قاطو التشاراك لتعطينا شكل يشبه الدودة وندخلها الكوشة كي توجد
نعسلها بالعسل الخفيف.. بالتوفيق عيد مبارك للجميع مسبقا مع تحيات الشاف
نــــــــــــــــاصر تــــــــــونسي.

مثلاجات بدون الة خاصة بلمسات الشيف ناصر تونسي

اسهل مثلاجات بدون الة خاصة
__________________________

المـــــقادير
_________
1ل حليب.. 150غ عسل ابيض ثقيل.. 100غ سكر عادي.. 10 صفار بيض.. 600غ بدرة الكرام شنتي.. 2 علبتين شكولة مذوبة على حمام مائي.. شوي فانيلة..
طريقة التحضيــــــــر
_______________

اولا نحط الحليب على نار هادئةو نزيد للحليب كمية السكر.. و العسل.. و و نخلط شوي و نخليه على النار الهادية.. و نحط اصفر البيض في سوبيارة مع الفانيلة. وامقص شوي من الحليب لهو على نار هادية ونزيدو لصفار البيض و نخلط حت يتغيح صفار البيض في الحليب.لكن الحليب ايكون بارد قبل مايسخن عند تفريغي قسطا منه على صفار البيض..حت ما يفسد اصفر البض. واذا خفتم نقصو من الحليب شوي قبل ما تحطوه على النار.. و كي اتشوفو السكر الي في الحليب ذاب و خلاص. نروح لاصفر البيض لي هو مع شوي حليب بارد و فيه السكر و العسل.. نصفيه بالصفاية تع التاي مرتين.. وبعد ما يسخن الحليب لي هو على النار الهدية و فيه السكر و العسل نفرغ فيه صفار البيض لي صفيناه مرتين.. و نخلط مليح بسرعة حت يتجانس و يدخل مع بعضاه. ثم نزيد نصفيه بالصفاية تع التاي وهو سخون.. نخليه يبرد و ندخلو للثلاجة و نحطو تحت لقلاصيار و ليس في المجمد تحت المجمد.. في اليوم الثاني عندنا 600غ من بدرة الكرام شنتي.. نطلعها بشوي حليب بارد مثل المايوناز بالخلاط الكهربائي البدرة زائد شوي حليب بارد وعندما نشوف الحليب راح نزيد الحليب و هكذا حت يصبح معنا كرام ثم ذوقو اذا وجدتم الكرام ارطب خلاص من الحليب و اذا وجدتم الكرام احرش يعني الكرام مزال يطلب الزيادة من الحليب حت يتكاثف و يطلع..ثم نفرغ الكرام شنتي في الخليط لخدمناه و موجود تحت المجمد .. اذا نفرغ الكرام فيه لكن بالراحة بالحنانة بالشوي حت الكل يندمج و يتجانس مهع بعض ... لكن اذا ادتموه بالشكولة زيدو للحليب 3 معلق اكل من بدرة الكاكاو بالاضافة قليل جدا من ايي نوع من المكسرات.. و يوضع في المجمد لمدة نصف يوم او اكثر شوي و يصبح جاهز للاكل في التقديم يزين بالشكولة الذائبة و النعناع الاخضر ..بالتوفيق جربوه هو مضمون مئة بالمئة بصحتكم . انتضرو الجديد و فيه الجديد دائما باذني الله مع تحيات الشاف ناصر تونسي.. الحمد لله و الصلاو والسلام على رسول الله بيكم انتم انا موجود...

الجمعة، 15 فبراير، 2013

كيفية صنع المنثور بلمسات الشيف ناصر تونسي

كيفية صنع المنثور . او تجفيف الكرموص او الكرطوس. الاسم واحد و يختلف من منطقة الى اخرة. ولكم المـقادير.
المـــــــــقادير
__________
2 كلغ كرطوس . و اي
كونو الحبات طايبين و مغلقين .1 مغرف اكل من زيت bravine و هو زيت الخروع . اقل من نصف نغرف اكل كربنات . نصف مغرف قهوة ملح . 2 مغارف اكل سكر عادي . 5 مغارف اكل عصير القارص . 10 كسان ماء . نسف كاس سكر قلاصي نصف كاس انشاء . نصف كاس فرينة . قطعة قماش او شاش نظيف . و ورق الزبدة او كاغط الزبدة .
طريقة الـــــــــــــتحضير
________________
اولا نحط الماء في مرميطة كبيرة شوي . على النار . و فيها السكر العادي .و الملح . و عصير القارص . و زيت الخروع . لي هو اسم bravine . و الكربنات نخليه حت يغلي الماء . ثم نحط كمية الكرطوس في قطعة القماش او الشاش نظيف . و نحطو في الماء لي هو يغلي لمدة .8 دقائق . ثم نخليه ينشف تماما . ثم نفرش كاغط الزبدة . في بلاطو . و نحط فيه حبات الكرطوس . و نحطو في البلكون او في السطح . المهم مكان مشمس و متهوي . و لكن حذاري و ثم حذاري ان يبقى حت الليل او ايبات في الليل ابدا . حت ميطيحش اعليه النداى تع اليل او تع الفجر . يبقى من الصباح الى المساء فقط . وهذا لمدة ستة ايام (( 6 )) . حت يجف . ثم نخلط الفرينة و السكر و النشاء مع بعض نحط حبات الكرطوس في بيدوف مثلا او علبة سواء كانة بلاستيك او زجاج . ندير شوي من خليط النشاء و السكر قلاصي و الفرينة الخليط المتجانس . قلت شوي في القاع ثم طبقة من الكرطوس ثم طبقة اخرة من الخليط الة غاية النهاية . و نضغط عليه مليح بالا يدي او نرصو ان صح التعبير و السهولة في الفهم . بالتوفيق للجميع مع
تحيات الــــــــــشاف نــــــــاصر تونسي.

البيتزا بلمسات الشيف ناصر تونسي

المقادير بالصورة.
1 كلغ فرينة من النوع الجيد . شوي ملح . فنجال زيت . اربعة ( 4 ) مغارف قهوة خميرة الخبز من النوع الرقيق . ( 2 ) مغارف قهوة سكر فقط .
لـــــــوزوم الحشوء
____________
طماطم حب . طماطم علب . هريسة حارة علب . ملح . رند . شوي زيت . ثوم . معدنوس او دبشة . فلفل حلو . فقاع معلب او جديد . فرماج مبشور . زيتون اسود. ودائما يبقى الحشوء حسب ذوق كل عائلة .
طـــــريقة التحضير
_____________
الحقيقة انا شخصيا نعجن بيدي. نحط الفرينة في القصعة . و ندير حفرة في الوسط . و نفرغ في الحفرة . الزيت و الخميرة و السكر و الملح . و بي شوي ماء دافي نحاول نجمل العجينة على شكل كتلة فقط و ليست عجينة. ثم نجبد كتلة العين لية حتى يبقى غراغ في الامام في القصعة. ثم ندير شوي ماء في فراغ القصعة و ليس في كتلة العجين . و نحاول نقرب كتلة العجين للماء الموجود في فراغ القصعة و نعجن بشوي و كلما نلاحظ العجينة تطلب الماء نزيد شوي و ندلك مليح حتى تعود لعجينة متلصقش في اليد و لا في القصعة و تكون تتطرشق كي نكونو ندلكو فيها الى درجة لو نحول نوسخ يدي بالعجين ابدا متلصقش لا في اليد و لا في القصعة. نخرج من العجينة سبعة (7) كورات متساوية نرش سنية بالفرينة و نحط السبع كورات تع العجين . و نغطيهم بالبلاستيك و نحطهم في الثلاجة لمدة (15) دقيقة ثم والوحدة نرش الميدة بالفرينة و نحط كورة من العجين و نفتحها بالحلال على شكل دائري بالاستعانة برشات من الفرينة . و التي تعذر عليها او تعذر عليه فتح العجينة بشكل دائري صحيح . عليكم بفتح العجينة عادي و تكون العجينة في الخشن قدر حوالي (2) من عملة الخنس دينار فوق بعض بالتقريب. وهذا حتى انسهل عليكم في فهم الطريقة و خشن العجينة. اذا العجينة المفتوحة عادي نضع فوقها سوبيارة مقلوبة و بالموس انقص شكل دائري اما المفتوحة بالحلال فهية خلاص . اذا ندهن البلاطو بالزيت و نحط الشكل الدائري تع البيتزة فيه و نرشقها بي الفرشيطة كامل ثم نسقيها و هي مزالت عجينة و ندخل للكوشة السخونة من قبل على درجة حرارة 350 درجة مئوية لمدة 7 دقائق ثم نخرجها و نقسمها حيثو تكون بي ثماني مثلاثات انضم المثلثات الثناني الى بعضكما حيث لما ننظر بالعين المجردة تضهر و كانها ليست مقسومة ابدا. ثم نسقيها للمرة الثانية و انزينها بالفرماج و الزيتون و الدبشة او المعدنوس و نرجعها للكوشة 7 دقائق اخرة و بهذه الطريق تكونو قد تحصلتو على البتزة المطلوبة من طرفكم . نتمنالكم التوفيق و النجاح . مع تحيات . الــــــــشاف. نــــاصر تـــــــونسي

البسبوسة بالكاكاو بلمسات الشيف ناصر تونسي


كيفيت تخليل الزيون الاخضر بلمسات الشيف ناصر تونسي

طريقة جديدة للزيتون الاخضر و هي كيفيت تخليله بطريقة مدهشة و اكثر من الروعة. و اليكم المقادير.

المــــــــقادير
1 ربــــــــــعي زيتون اخضر كبير. او 3 كلغ زيتو...مشاهدة المزيد
السلام عليكم احبائي. و اعزائي الافاضل و الفضلايات في كل مكان. اليوم جيت و جبتلكم طريقة جديدة للزيتون الاخضر و هي كيفيت تخليله بطريقة مدهشة و اكثر من الروعة. و اليكم المقادير.

المــــــــقادير
1 ربــــــــــعي زيتون اخضر كبير. او 3 كلغ زيتون. 9 ربطات كرافس مقطعين رقاق خلاص. 2 رســــان ثوم مقطع رقيق. 500غ زروديــــة مرابــــــــية. و حــــــوالي 10 فلفلات حارين. 500غ قارص معصورة. ويلزم نستحفظ يالقشور بعدما نعصرها. و نخلط كاس خل ابيض نوع قارص. بكاس مـــــــاء فيه مغرف اكل ملح و 2 مغارف قهوة سكر. و لكن الماء يلزم ايكون مغلي و بارد. و هذا حت نتفادة الطبقة البيضة لتكون في الاعلى. و هذا حت نصل الى الكمية المطلوبة من الماء و الخل ثم نزيدلها كمية القارص المعصورة.و نحتاج كمية من الزيت باش نغطي بيها الزيتون من فوق. و نحتاج كذالك 5 او 6 ورقات رند
طريــــــــقة التحضير

اولا نختار حبات الزيتون ايكونو هايلين و صافيين . يعني ماهمش مجروحين او فيهم نقاط سوداء مثلا. نغسلوا و نشقوا بالموس بالطول شقتين كل وحدة بعيدة عن الاخرة. ثم نحطو في الماء لمدة ثمانية ايام (8). وكل يوم نبدل الماء و ندير ماء جديد. و هذا حت نتخلص من مرارة الزيتون نهائيا. ثم نهرس الثوم مع شوي ملح.
و الفلفل الحار.و الزرودية المرابية. و الكرافس الرقيقة. و بعد مدة ثمانية ايام في الماء او بعدما نتخلص من مرارة الزيتون نغسل الزيتون للمرة الاخيرة نقطرو من الماء و نحط في بدون بلاستيك او بلارة مثلا. نحط كمية من الزيتون و نغطيه بكمية من الخليط المكون من الثوم و الزرودية المربية و الكرافس و الفلفل الحار المرحي او المهرس الثوم و الملح . اذا نرس مليح و بطريقة جيدة باليد فقط . ثم طبقة اخرة من الزيتون ثم طبقة كذالك من الخليط و هذا حت تنتهي الكميةالنهاية ايي نهاية الكمية كلها . ثم نغطي الطبقة الاخيرة بقشور القارص . ثم نغطي الزيتون بالخليط المكون من الماء المغلي و البارد المملح و الخل الابيض و عصير القارص . و ناكد قشور القارص تكون في الاخير . ثم نحط ورقـــــات الرند . نفرغ شوي زيت عادي نغطي بيه اخرطبقة حت ولو كانت الطبقة من الماء المملح و الخل الابيض و القارص .نغلق البدون جيدا و باحكام ونخليه لمدة 35 يوم و يصبح جاهز للاكل . بالتوفيق للجميع. مع تــــحيات.. الشاف ناصر تونسي.

الخبزة بالنشاء بلمسات الشيف ناصر تونسي

الخبزة بالنشاء اسهل ما يكون و نبدئ
بالمقادير
______
4بيضات.. 2 كسان حليب ساءل ناقص منهم 2 مغارف اكل .. 2 صشيات خميرة القاطو.. 2 مغارف قهوةخميرة الخبز.. 2 مغارف خل.. شوي ملح .. ربع كاس زيت.. كاس سكر عادي هذا
في حالت رايحين تقدموها في الصباح بالقهوة والحليب يعني حلوة اما اذا كانت تقدم مع الوجبات الغذائية مغرف اكل سكر فقط كذالك بالنسبة للافني يتبع الكاس تع السكر اما ذا كان للوجبات الغذائية نلغي الفانيلة .. 2 كسان فرينة .. 2 كسان انشاء..
طريقة التحضير
___________
اولا نخلط الخل مع الحليب و نخليه 10 دقاءق.. ثم نخلط كل من البيض.. و السكر.. و الزيت.. و نفرغ الحليب لي فيه الخل.. ثم نخلط شوي ايذوب السكر.. ثم نخلط الفرينو مع النشاء مع الخيرة تع القاطو و تع الخبز .. والملح.. ونفرغهم في الخليط دفعة واحدة و نخلط بايي شي حت ولو بالفرشيطة لانه عجينة سائلة اذا ادهني البلاطو بالزيت
و رشيه بالفرينة وفرغي الخليط فيه و دخلي مباشرة للكوشة يعني متنتضريش باش تطلع فرغي الخليط ودخلي مباشرة الكوشة لمدة 30 او 35 دقيقة بالتوفيق و النجاح مثلما نجحتو في الكيفية تع الاربع كيسان .. مع تحيات الشاف ناصر تونسي..


خبزة الاربع كسان بلمسات الشيف ناصر تونسي


الى كل محبي الشاف ناصر تونسي سواء على الاذاعة الجزائرية من بسكرة او على الفايسبوك او على مطبخ بسكرة. الى كافت

العائلات في كامل التراب الوطني و في العالم العربي .. مبروك عليكم و مبروك عليكم للمرة الثانية المرة الاولة و هي خبزة الاربع كسان و الثانية بالنشاء خلاص من الان فصاعدا معتوش تعجنو و تدلكو ابدا ما دمت حيا و معكم . الان نكتب خبزة الاربع كسان..
المقادير
______
2 كسان حليب.. 2 بيضات.. ربع كلس زيت.. مغرف اكل سكر .. و مغرف ونصف خميرة الخبز.. شوي ملح.. شوي كمون اكحل .. وشوي جلجلانية.. و صفار البيض مخلطة مع مغرف اكل حليب.. 4 كسان فرينة مغربلة 2 مرات..
طريقة التحضير
___________
نخلط كل السوائل مع بعض بايي شيئ حت ولو كانت فرشيطة ثم ادهني البلاطو بالزيت و رشيها بالفرينة و فرغي فيها الخليط حطيه فوق الكوشة و هية شاعلى على 350 درجة طبعا يلحقها الدفئ. وتطلع ليه ليه ادهنيها بصفار البيض مخلط مع المغرف تع الحليب و رشيها بالجلجلانية و الكمون الاكحل و دخلي للكوشة لمدة 22 دقيقة وبالتوفيق مع تحيات الشاف ناصر تونسي

الــــــــــمخبز بالخــــــبز الـــــــــــيابس و اروع قلاصاج و اسهله كذالك. بلمسات الشيف ناصر تونسي

الــــــــــمخبز بالخــــــبز الـــــــــــيابس و اروع قلاصاج و اسهله كذالك. ولكم المقاديـــــــــر..
المقادير
______
2 كسان كوكاو مرحي.. كاس خبز يابس مرحي.. كاس ونصف سكر عادي.. 3 بيضات.. شوي فانيلا.. مبشور حبة قارص.. مغرف اكل معمرة زبدة.. و للتزين القلاصاج زائد التلوين الغذائي حسب ذوق كل عائلة
مقادير القلاصاج
___________
500غ سكر عادي.. ربع لتر ماء نحتاج منه نصفه فقط.. عصير حبة قارص.. و كمية من السكر قلاصي..
طريقة تحضير القلاصاج
________________
نحط السكر و الماء على النار..نخلطهم شوي ونخليهم على النار.. حت يعقد.. نخليه يبرد شوي.. و انزيدلو عصير القارص.. و السكر القلاصي بالشوي بالشوي.. حت نتحصل على خليط.. (( لاهو ثقيل ولا هو خفيف)).. اما الملون هو حسب رغبة كل عائلةفي اللون طبعا.. كذالك هذا القلاصاج صالح لكل الانواع القاطو او ايي شيء يتقلاصاء حت الطورطات يصلحلها القلاصاج بهذه الطريقة..
طريقة تحضير المخبز الجديد
___________________
نخلط الكل مع بعض مليح.. و في الاخير نزيد الزبدة.. و نخلط لنتحصل على عجينة طرية.. و نخليها ترتاح ثلاث سعات.. ثم نخرمنها مثلاثات او مربعات او ايي شكل يعجبكم .. و ايطيب على نار هادية مثل الصابلى.. حت يصفر شوي.. و انديرولو القلاصاج ونحطوه في كسات متحوفة و للتذير هذه المقادير اتخرج حوالي اربعونة حبة.. بالتوفيق مع
تــــــــــــحيات .. الشاف نــــــــــــاصــر تـــــــــونســـــــي.

طريقة طاجين الزيتون بلمسات الشيف نـــاصر تـــــــــونسي

طريقة طاجين الزيتون لكن تقدم بطريقة مختلفة و تجلب النظر و تفتح الشهية و انظرو الصورة كم هي جميلة هي شوي خفيفة لكن انا نحب السوس تكون اثقل بشوي.

المـــــــــقادير
___________

2 حبات بصل مربين. نصف راس ثوم مربي. وقطع دجاج او لحم حسب افراد العائلة 500غ زيتون بدون عظم. 5 حبات زردية مقطعة الى دوائر بيضاوية 2 ورقات رند ملح فلفل اكحل شوي كمون شوي راس الحانوة شوي فلفل بارد و فلفل حار ارطب طماطم مرحية وطماطم العلب المصبرة شوي معدنوس مع اعراف دبشة.. حبات بيض للزينة..
طـــــــــــريقة التحضير
________________
اولا . نحط الماء يسخن الى درجة الغاليان ونغسل الزيتون مليح ونحطو في الماء لي يغلي مع شوي خل ونبدلء في تحضير الاكلة تاعي.
ندير شوي من زبدة المدينة مع شوي زيت في المرميطة و نلوح اللحم او الدجاج نخليهم يتحمرو شوي في الزبدة والزيت مع الزرودية ثم نفرغ عليهم البصل و الثوم ونخلط ونبقا نخلط حتى انشم رائحة البصل و الدبشة والمعدنوس الثوم. ثم انداوي المرميطة .. طبعا بالملح و الفلفل اكحل و الكمون و راس الحنوة ونخلط شوي ثم مباشرة الطماطم المرحية هي الاولة قبل المصبرة لانو المرحية هي نيا اما المصبرة هيا تعتبر طايبة . قلت المرحية وبعد المصبرة لكن لكلى منهما نصف الكمية المطلوبة للمرميطة اما الباقي نحتفظ بيه .ونسقيها نصف السقي المطلوب
من الماء ونخليها تغلي شوي ثم نضيف ميت الماء المتبقي .. و بمعنا نسقي المرميطة على مرتين.. و نخليها حت ايطيب اللحم او ادجاج اذا اخلاص طاب انحيه و نخليه يقطر من السوس ثم نلوح مياشرة كمية الزيتون في السوس الثقيلة التى تحصلنانا عليها من خلال السقي على مرتين طبعا.ثم مباشرة كذالك نحط في ايي شي مهما كامت قليل جدا من الزيت ونفتح فيه شوي فلفل بارد و نغرف اعليه الطماطم المرحية و العلب لبقات من الاولة و لي احتفضنا بها في البداية ونفتحهم بقليل من الصوص تاعنا ثم نفرغها في السوس. مع ورقات الرند ونخليها تزيد تثقال شوي من خلال ما اضفنا اليها و الان نرحو للحم او الدجاج نحمرو في شوي زيت وبعدما توجد الاكلة تاعنا ندير شوي في صحن التقديم و من فوق قطع اللحم او الدجاج لي طاب و حمرناه و نكسر فيها حبات بيض ايكرنوا دايرين في الصحن دايرين بالدجاج او اللحم و فوق البيض لي كسرناه في الصحن نذرر عليه الدبشة و المعدنوس مقطعين ارقاق و اندخل الصحن للميكرو واند حت البيض يحكم روحو ثم نقدم الصحن . باتوفيق للجميع مع تحيات الـــــــــــــــــــــــــــــــــــــشاف . نـــاصر تـــــــــونسي

قــــــــــــــاطو البيـمــو بالشكولة و مايطيبش بلمسات الشيف ناصر تونسي






الطريقة قاطو الغسن بلمسات الشيف ناصر تونسي

الطريقة قاطو الغسن
المقادير

-250غ فرينة * مغرف أكل زبدة * شوي ملح * مغارف أكل شكولة كاكاو بدرة * ماء زهر نجمل بيه العجينة

الحشو
250غ لوز مرحي * كاس و شوي سكر عادي * حبة بيض * مغرف أكل بشور القارص طريقة العجينة

نخاط المقادير لنتحصل على جين طرية أما الحشو نخلط كل المقادير و تشكلها على شكل أصابع نفتح العجينة

بالحلال و تكون و تكون رقيقة. وانخرج منها مستطيلات أعرض شوي ونحط أصابع الحشو في الوسط. ونلفها

و نبرمها بالعجينة المستطيل. و بلموس نشلط بتطول شولطات مستقيمة و منحرفه . باش كي أطيب يتشقق و

تكون على شكل غسن شجرة ثم نقطع العصاء لي هي من العجينة كما موضح في الصورة و فيها الحشو ثم تقص

قدر حبه المرقاز و على جهة القــص و الأخرة نغطسها في أبيض البيض ثم نمررها الي اللوز المرحي و ندخل

لي لكوشة على 180درجة. و كي تخرج نمرر عليها بالبانسو على كل وحدة بالعسل و نحطها في كسات متحوفة .
بالتـــــــــوفيق و النـــــــــجاح مـــع تــــــــحيات..

الـــــــشاف.. نــاصـر تـــــــونســـي
الطريقة قاطو الغسن
المقادير

-250غ فرينة * مغرف أكل زبدة * شوي ملح * مغارف أكل شكولة كاكاو بدرة * ماء زهر نجمل بيه العجينة

الحشو
250غ لوز مرحي * كاس و شوي سكر عادي * حبة بيض * مغرف أكل بشور القارص طريقة العجينة

نخاط المقادير لنتحصل على جين طرية أما الحشو نخلط كل المقادير و تشكلها على شكل أصابع نفتح العجينة

بالحلال و تكون و تكون رقيقة. وانخرج منها مستطيلات أعرض شوي ونحط أصابع الحشو في الوسط. ونلفها

و نبرمها بالعجينة المستطيل. و بلموس نشلط بتطول شولطات مستقيمة و منحرفه . باش كي أطيب يتشقق و

تكون على شكل غسن شجرة ثم نقطع العصاء لي هي من العجينة كما موضح في الصورة و فيها الحشو ثم تقص

قدر حبه المرقاز و على جهة القــص و الأخرة نغطسها في أبيض البيض ثم نمررها الي اللوز المرحي و ندخل

لي لكوشة على 180درجة. و كي تخرج نمرر عليها بالبانسو على كل وحدة بالعسل و نحطها في كسات متحوفة .
بالتـــــــــوفيق و النـــــــــجاح مـــع تــــــــحيات..

الـــــــشاف.. نــاصـر تـــــــونســـي

الطريقة قاطو الغسن
المقادير

-250غ فرينة * مغرف أكل زبدة * شوي ملح * مغارف أكل شكولة كاكاو بدرة * ماء زهر نجمل بيه العجينة

الحشو
250غ لوز مرحي * كاس و شوي سكر عادي * حبة بيض * مغرف أكل بشور القارص طريقة العجينة

نخاط المقادير لنتحصل على جين طرية أما الحشو نخلط كل المقادير و تشكلها على شكل أصابع نفتح العجينة

بالحلال و تكون و تكون رقيقة. وانخرج منها مستطيلات أعرض شوي ونحط أصابع الحشو في الوسط. ونلفها

و نبرمها بالعجينة المستطيل. و بلموس نشلط بتطول شولطات مستقيمة و منحرفه . باش كي أطيب يتشقق و

تكون على شكل غسن شجرة ثم نقطع العصاء لي هي من العجينة كما موضح في الصورة و فيها الحشو ثم تقص

قدر حبه المرقاز و على جهة القــص و الأخرة نغطسها في أبيض البيض ثم نمررها الي اللوز المرحي و ندخل

لي لكوشة على 180درجة. و كي تخرج نمرر عليها بالبانسو على كل وحدة بالعسل و نحطها في كسات متحوفة .
بالتـــــــــوفيق و النـــــــــجاح مـــع تــــــــحيات..

الـــــــشاف.. نــاصـر تـــــــونســـي

مــــــــــــفرقشات الكــــرطوسة بلمسات الشيف ناصر تونسي


مــــــــــــفرقشات الكــــرطوسة

هدية من الشاف ناصر لكل الجزائرين و العرب في كل مكان وهية تحويل المواد الجافة من الغرام الى الكيل بالكاس. الــــغرام الــــمادة الكـــــــــيلة

هدية من الشاف ناصر لكل الجزائرين و العرب في كل مكان وهية تحويل المواد الجافة من الغرام الى الكيل بالكاس.
الــــغرام الــــمادة الكـــــــــيلة
______ _______ ________
55غ سكر عادي ربع كاس
225غ سكر عادي كاس واحد
150غ فرينة او سميد كاس واحد
450غ فرينة او سميد ثلاث كؤوس
225غ سكر قلاصي نصف كاس
______________________________________________مع تـــــــــــــيات الشاف ناصر تونسي

هدية من الشيف ناصر تونسي لمحبي الطهي

طريقة شباح الصفرة بلمسات الشيف ناصر تونسي

طريقة شباح الصفرة و لكم المقادير.
3 كلات لوز محمص.كيلة سكر قلاصي . 3 بيضات . و زيت للقلي.
طريقة التحضير
نرحي اللوز ارطب و نزيدلو السكر القلاصي .و نخلطهم حت يدخلو في بعضاهم مليح . نزيد صفار البيض انا في البداية زدت 2 صفار بيض لكن لحضت الخليط قاسي ثم زدت صفار واحد وبالتالي صار درت في المجموع 3 صفبر بيض . ثم نجمل العجينة . و نطلع بياض البيض حتى ولو بالفرشيطة . ثم نحل العجينة فوق كاغط الزبدة و نخرج منها بالطابع الشكل لي اتحبو . انا مثلا درت النجمة و شكل القلب و دايما يبقى الاختيار ليكم و نغطس كل حبة في بياض البيض و نقليها في الزيت عل نار خفيفة حت تحمار لكن الشباح الصفرة تتقلى مرتين الاولة تقريب لون ابيض و الثانية كي تتقلى قلت للمرة الثانية تصفار. بالتوفيق مع تحيات الشاف ناصر تونسي

طــريقة تحضير الشاي من الشاف ناصر تونسي

طــريقة الشاي من الشاف ناصر تونسي. ولكم المقادير.
تاي اخضر ذات نوعية جيدة 2 كسان من كاس التاي. نفس الكاس بي 10 ماء . كمية من النعناع الاخضر . وكمية من النعناع اليابس . و السكر حسب ذوق كل عائلة.
طريقة التحضير.
نحط الماء على النار حتى يغلي. ثم نحيه و نحط فيه كمية النعنتع اليايبس. و زريعة التاي. ونخليه لمدة 10 دقائق. ثم نبدى نخلط فيه حوالي 15 مرة لانو كلما نزيد نخلط كلمل يزيد يثقال. ثم نصفيه بالصفاية تع التاي. ثم ندير كمية من السكر العادي حسب ذوق كل عائلة و نبداء نخلط من كسرونة الى كسرونة اخرة حوالي 15 مرة حتى يذوب السكر بالاضافة تولاحضون الرغاوي البيضة في التاي ايي لكشكوش تع التاي. ثم نزيد ندير كمية من النعناع الاخضر في كسرونة و نخلط التاي من كسرونة الى اخرة لمدة حوالي 10 دقائق حتى التاي تعود فيه رائحة النعناع الاخضر و الطعم كذالك . بالتوفيق مع تحيات الشاف ناصر تونسي.

الدوبارة البسكرة بلمسات الشيف ناصر تونسي

السلام عليكم اليوم جبتلكم الدبارة البسكرية و لكم المقادير.
المقادير.
1كلغ فول ذات النوعية الجيدة . 2مغارف قهوة من مادة الحمض التي تستعمل في تحضير المثلج الحامض krèponi. و عاء بلاستيكي للترناخ. مقدار مغرف اكل كربنات. 4 فلفلات يابسين حمر حارين. ثوم. زيت زيتون. هريسة . فلفل حار مقطع رقيق. طماطم علب. طماطم مرحية. طماطم مقطعة الى قطع رقيقة. دبشة . فلفل بومنقوع او الطرشي كما يسماء في بعض الولايات الاخرة . قارص. و الكمون الاخضر ارطب.
طريقة التحضير.
اولا نرنخ الفول في البلاستيك. من الساعة 13h00 بعد الزوال الى غاية 18h00 مساء. ثم نغير الماء و نغسلو و نعاود ماء جديد و كربنات جديدة و هذا الى غايت 23h00 ثم نغير الماء و ندير ماء جديد و كربنات جديدة. ويبقى هكذا حت الصباح. و في الصباح نحطو ايطيب بالماء تاعو و الكربنات تاعو . ونزيدلو كمية الحامض و الفلفلات اليابسين. و سنات ثوم باش تعود السوس تاعو بنينة لانو طاب بالماء لي بات فيه من الحادي عشر ليلا حت الصباح . اما الملح فهو ممنوع حت ايطيب الفول تماما ثم نقدر نزيد الملح و يغلي شوي فقط يدخلو الملح . و الان الفول تاعنا راهو خلاص طاب.
طريقة التقديم.
نحط في صحن التقديم زيت الزيتون حوالى مغرف اكل و نصف. و نزيد الهريسة . الطماطم علب. الطماطم المرحية و المقطعة الى قطع صغيرة. و الفلفل الحار مخلط مع الثوم المقطع الة قطع صغيرة جيدا. نتحصل على كتلة من هذا الخليط. اذا نفتح هذه الكتلة في شوي من الماء لي طاب فيه الفول. اضن هذا مفهوم. و بعد ما نتحصل علة صوص ثقيلة نزيد نلوح الفول فقط دون صوص. و نحاول نخلط الخليط جيدا و نزيد قليل من الكمون الاخضر و قليل من الزيت الزيتون . و نزيد نلوح شوي الدبشة. و نزين الصحن بالقارص و البمنقوع و يقدم . هنيئا مريئا بالصح و الهنا هذه الدبارة البسكرية الحقيقية الاصيلة .بالتوفيق للجميع مع تحيات الشاف ناصر توني

طريقة الصابلي بطريقة جديدة و بلمسات الشيف ناصر تونسي

المـــــــــقادير

250غ زبـــــــــدة . 3 فــــــناجل سكر عادي .. 2 بيض كاملين. 1 ساشي خميرة القاطو. الفرينة حسب العجينة

.و لدهن الحبات في الاخير .. 2صفار بيض. مغرف صغيرة حليب. مغرف صغيرة نسكافي.

طــــــــريقة التحضير
تراساج نجمل كل المقادير حت نتحصل على عجينه طرية ونرش المائدة بالنشاء و نفتحها بالحلال ونتراسيها بالموس

خفيف ثم العكس في وضعيت الموس حت نتحصل على مربعات صغيرة جدا كما موضح في الصورة

و نخرج من العجينة بالطابع الموجود على الصورة نصف دائرة او بالكاس ثم نقسم الدائرة على اثنان

وندهن بالخليط لي فيه النيسكافي وندخل الكوشة .

مقــــــادير الحشو
1كلغ كوكاو مرحي ارطب شوي قرفة وعسل باش نجمل بيه العجينة . ندير شوي قرفة مع الكوكاو ونجمل بالعسل

ثم نحل عجينة الحشو بالحلال ثم نخرج منها نفس الشكل لخرجناه من العجينة ونلصق حبات الصابلي
وبيمهم الحشو بالعسل ونحط في الكسات

بالتوفيق مع تحيات

الشــــــــــــاف نـــــاصر تـــــونسي

كيكة اسفنجية بالشيكولاتة بلمسات الشيف ناصر تونسي



المقادير لصينية مقاس 28 :
-2 كوب دقيق.
-1/2 1 كوب سكر.
-8 بيضات.
-ملعقة فانيليا.
-ملعقة كبيرة بيكنج بودر.
طريقة العمل:
-تدهن الصينية باكملها بالزبد القاع والجوانب ثم تبطن بورق الزبد اوترش بالدقيق المخلوط بالسكر.
-يتم ايقاد الفرن قبل البدأ فى مزج المقادير مع ملاحظة ان من اهم شروط نجاح الكيكة الاسفنجية هو وضعها فى الفرن الدافىء لتخبز مباشرة بعد الانتهاء من العمل.
-يوضع البيض والسكر فى اناء ثم يوضع فى اناء اكبر منه به ماء يغلى(حمام مائى) بحيث لايلمس الماء قاعدة اناء الخفق.
-يخفق البيض مع السكر والفانيليا بالمضرب الكهربائى او السلك حتى تتكون علامة الشريط اى اذا رفع المضرب يتساقط منه العجين وتظهر علامة على السطح ثم تختفى بعد لحظات.
-يرفع الاناء من فوق الماء الساخن ويستمر بالخفق حتى يبرد.
-يضاف الدقيق المخلوط بالبيكنج بودر بخفة على دفعات بملعقة خشبية ويجب ان تختفى الدفعة الاولى قبل اضافة الدفعة التى تليها الى نهاية المقدار.
-يصب الخليط فى الصينية المدهونة والمبطنة بحيث لا تزيد الكمية عن ثلثى الصينية.
-توضع الصينية فى الفرن المتوسط الحرارة 190 او 200 درجة مئوية ويقفل باب الفرن ولا يجوز فتحه مطلقا قبل مرور 10 دقائق حتى لايدخل الهواء البارد ويتلف العجين.
-يستغرق خبز الكيكة بين 25 الى 30 دقيقة ثم تقلب على منخل سلك او قاعدة سلك وتترك لتبرد بعيد عن تيارات الهواء ولا يبدأ فى حشوها الا بعد ان تبرد تماما.

مــعجون الصفرجل بطرقة جديدة المقادير

مــعجون الصفرجل بطرقة جديدة المقادير : كيلة سفرجل. كلتين سكر عادي. عصير حبة قارص. و للتزيين سكر قلاصي نشاء و فني طريقة التحضير: نقي السفرجل مليح و نقطعو مكعبات و نفورو حت ايطيب ثم نرحيه و نزيد السكر العادي للسفرجل المرحي مع عصير حبت القارص و نحركو شوي و نحطو على النار متوسطة و نحرك بمغرف عود كي يبدى الخليط يتنحا من المرميطة او الكاسرونة نفرغو في بلاطو متوسط و امفرش بورق الزبدة و نعدل مثل هريسة اللوز او مثل الحلقوم و بعد خمسة ايام ذري عليه من فوق شوي خليط مكون من النشاء و السكر قلاصي و فني ثم اقلبي حت يرجع كاغط الزبدة من فوق نحي الكاغط و قصيه مربعات مثل الحلقةم و كل حبة عقبيها للخليط طبعا المكون من النشاء و السكر قلاصي و فني . بالتوفيق مع تحيات . الشــــــــــــاف نـــــــاصر تــــونـــــــسي


نصائح الشيف ناصر تونسي

طريقة الغرايف بلمسات الشيف ناصر تونسي

الـــــــــــسلام عليكم جميعا معنا اليوم طريقة الغرايف.
المقادير
1كلغ سميد. شوي ملح . مغرف اكل ونصف خميرة الخبز. 2 مغارف قهوة سكر. نصف مغرف اكل فانيلة. 3 حبات بيض .
طـــــريقة التحضير.
نخلط الكل مع بعض في صحن كبير ماعدا البيض يبقى في الاخير. ثم نغطي الخليط بالماء الدافي او اكثر شوي من الدافي. قلت حت يتغطى الخليط ثم نضع يدي داخل الخليط و نحاول ان نخلطه عن طريق الكف و هذا حت يتخلك جيدا و اذا لحضنا ان الخليط ثقيل كثير نزيد حوالي كاس ماء و نزيد نخلطو . ثم نشعل الكوشة في اعلى درجة و نضع الصحن الخليط فوق الكوشة . يعني فوق الوانا الاربعة وليس داخل الكوشة . و هذا حت يصل الدفئ الخارج من الكوشة الى الاعلى و بالتالي يتخمر جيدا ثم نضيف الحبات البيض الثلاث و نصف كاس ماء و نخلط جيدا . ثم مباشرة الى المقلات نوع تيفال بالمفرف السقوء نعمل شكل دائري رقيق و عندما توجد ندهنها بالزبدة السائلة و نرشها بالسكر العادي و بالتوفيق مع تحيات الشاف ناصر تونسي .

طريقة الفريسكا

طريقة الفريسكا
المقادير
_______
2 كسان فرينة..كاس سكر.. نصف كاس زبدة ذائبة.. كاس حليب سائل.. 1 خميرة القاطو.. 2 مغارف قهوة خميرة الخبز.. 3حبات بيض كبار زوز للعاجينة ووحدة للدهن.. نصف مغرف اكل فانيلة..
طريقة التحضير
__________
نخلط الزبدة الذائبة والسكر مع بعض كما في الصورة.. و نزيد البيض و الفانيلة.. ونخلطهم مع بعض.. و نزيد الحليب و نخلطو معاهم.. وثم نزيد لخميرة القاطو و خميرة الخبز مع الفرينة.. لكن بالشوي .. حت ترجع عجينة .. ونخليها تطلع.. لعجينة بعدما تتخمر.. تكون لينا و طرية.. انحي منها شوي كما موضح في الصورة.. و نحط على ميدة مرشوشة بالفرينو ونحلها بالحلال.. ثم نبرمها كما موضح في الصورة..
او نبرمها.. الى نهاية العجينة.. ثم ندورها مثل الحالزون كما موضح في الصورة.. و نحط في البلاطو مدهون بالزيت.. و ندهن الوجه بحبة البيض مخلطة مع شوي فانيلة و مغرف اكل حليب سائل.. ثم نرش كل حبة بالسكر العادي.. و شوفو شكلها كي تخلاص .. نتمانالكم التوفيق ..
مع تحيات الشاف ناصر

طريقة الزيتون الاسود و لكم الطريقة

الــــــــــسلام عليكم و رحمة لله و بركاته. و بمااننا في فصل الزيتون وتكلمنا عن الزيتون الاخضر المرقد منذ يومين فقط اذا اليوم نتعرف انا و اياكم عن جـــــديد طريقة الزيتون الاسود و لكم الطريقة .
المـــــقادير
_________
1 كلغ زيتون اســود. كاس و نصف ملح . و الـــــــزيت . و الـــــــماء .
طــــــرقة التحضير
_____________
اولا نغسل الزيتون مليح بالماء السخون . و نختار الحبات لي ما فيهمش النقاط البيظاء او المجرحين . ثم نقطرو من الماء نحطو في كسكاس سواء كان كسكاس من النوع البلاستيك يعني تع السلاطة او تع البربوشة . و نخلطو بي الكمية تع الملح لي هي كاس ونصف ملح طبعا و هو في الكسكاس . و نخليه بالملح تاعوا لمدة ستة ايام (( 6 )) . و تحت الكسكاس حاجة باش ينزل فيها الماء الاسود . و في هذه الايام الستة كل يوم نقلبو مرتين او نخلطو مرة الصباح و مرة في المساء . و في اليوم السادس نحركو مليح جيدا . ثم نحطو في بيدون و نرسو بيدي شوي حتى يصل الزيتون الى الاسفل يعني الى قاع البيدون . ثم نفرغ فوقو الماء حتى يتغطاء كامل الزيتون بحوالي 1سنم . ثم نزيد نفرغ فوقوا حوالي نصف لتر من الزيت . و نغلق البيدون جيدا و باحكام لمدة اربعون يوما ((40)) . ليصبح جاهز للاكل . عندما تستهلكون منه ولو قليلا يلزم يدخل الى الثلاجة مباشرة . نتمنالكم التوفيق .
مـــع تـــــــــحيات الــــــــشاف.
نـــــــــاصر تـــــــــونسي

اعلان

يعلن الشاف ناصر لكل العائلات أيناء ما كانت و في كل مكان داخل وخارج الولاية يطبخ ويحظر لي أعراسكم و أفراحكم و مناسباتكم السعيدة و كدالك لي ضيوفكم ذات الشخصيات السامية( دوق رفيع ومميز في كل الاطباق كما أن معروف بالاطباق شهية )فقط ماعليكم الاتصال بشاف ناصر تونسي على الصفحة او على مطبخ بسكرة او موقعنا هذا