الثلاثاء، 19 فبراير 2013

جلبانة في الكوشة بلمسات الشيف ناصر تونسي

جلبانة في الكوشة من وصفات الشاف ناصر.
مباشرة الطريقة.

نقي الزرودية و نقطعها الى قطع مكعبات صغير بحجم حبة الجلبانة.و نحطها مع الجلبانة في الكسكاس تفور.بشوي ملح. و عندما تهز اول فورة خليها في الكسكاس. على النار طبعا. و نزيدلها مغرفين اكل من الزبدة. و نخلط جيدا حت تذوب الزبدة و تدخل فيها. و نخليها تكمل الطياب تاعها حت توجد. كذالك نقي القرنون و نقطعو الى قطع صغيرة و نفورو بنفس طريقة الجلبانة و الزرودية. و الدجاج نقليه في شوي زيت
مع شوي زبدة المدينة. مع شوي كركم المعروف باسم زعفران مرحي ارطب. و ملح. فلفل اسود. حت يتحمر. نزيدلو البصل و الثوم و الطماطم مرحيين. شوي كمون اخضر شوي فلفل بارد. شوي فلفل حار ارطب راس الحنوة و شوي طماطم علب. خليهم يتقلاو شوي و نزيد شوي ماء. و نخليه حت ينشف شوي الصوص تاعو. ثم ندهن البلاط بالزبدة و فرغ فيه الجلبانة لي هي مخلطة مع الزرودية. كذالك القرنون. و كذالك نفرغ عليها الصوص تع الدجاج الثقيلة. و نحط قطع الدجاج فوق الجلبانة. و ندخل للكوشة على 350 درجة. الدجاج يحمار
بدون وضعه في الاعل او دون اشعاله من فوق. بالصحة و الهناء .
مع تحيات الشاف ناصر

هناك 5 تعليقات:

  1. سلام الشيف ناصر اسيا وكريمة نحييك ونقلك شكرا على كل ماتقدمه فقط انوا جربنا المخبز بالنواد كوكو لكن مبعد ولا قاسي فماهو السبب ؟

    ردحذف
  2. شكرًا

    ردحذف
  3. اريد طريقة عمل ديول البوراك
    وإنني في الانتصار من فضللك

    ردحذف
  4. السلام عليكم يتشرف ناصر كيف اصل الا الطبخ الجديد مثل طريقة عمل البوراك من فضللك انتصر الوصفة
    وشكرا

    ردحذف
  5. يعطيك ألف صحا راك هبلتنا بلوصفات إنتاعك كل شيئ في قمة و رابي يخليلك صحتك و راني إن شاء الله نلتحق بيك في جمعية ملاك لطبخ .

    ردحذف