البسبوسة بالكاكاو بلمسات الشيف ناصر تونسي

البسبوسة بالكاكاو و لكم المقادير
امقادير
_____
2 كسان حليب
كاس زيت
كاس سكر
مفرف قهوة خميرة الخبز
2 صشيات خميرة القاطو
شوي فانيلة
مفرف قهوة قرفة
مغرف اكل كاكاو
و الفرينة 15 مغرف اكل
20 مغرف اكل سميد
4 حبات بيض كاملين
و العسل ايكون ثقيل و نزيدلو شوي شربات للسقي
طريقة التحضير
___________
نخلط كل السوائل مع بعض و كذالك النوعين تع الخميرة و الفنيلة.
و نزيد القرفة و الكاكاو الكل مع بعض ثم نزيد الفرينة ثم السميد يتخلطو مليح
ندهن البلاطودائري الشكل متوسط الحجم بالزيت فقط و ندخل للكوشة سخونة من قبل على درجة 350 درجة حوالي 20 دقيقة . و كي نخرجها نسقيها مليح ثم نطفي الكوشة و نعاود ندخلها للكوشة 5 دقائق و هي طافية بعد هذا الوقت نصيب البسبوسة تاعنا شربت العسل تاعها نزيد نسقيها للمرة الثانية كي تشب العسل تاعها نقسم و تقدم بالهنا و بالشفا .. نتمنالكم النجاح جربها رايحين تتمتعو بيها انتم و ضيوفكم . و ادعولي بالخير مع تحيات.. الشاف ناصر تونسي.